नेपाली टुक्काको संरचनात्मक विश्लेषण। Nepali Tukkako Sanrachanatmak bishleshan

डा. ध्रुवकुमार घिमिरेको बालसाहित्यको क्षेत्रमा छुट्टै पहिचान रहेको छ । यसका अतिरिक्त विगत तिन दशकदेखि प्राध्यापन पेसामा संलग्न रहँदै आउनुभएका घिमिरे शोधकर्ता पनि हुनुहुन्छ । उहाँले त्रिभुवन विश्वविद्यालयबाट नेपाली भाषाका टुक्काका सम्बन्धमा विद्यावारिधि गर्नुभएको छ । विगत एक दशकदेखि नेपाली भाषाका टुक्काका बारेमा उहाँबाट गरिएका खोज अनुसन्धानमध्ये प्रस्तुत पुस्तक टुक्काको संरचनात्मक विश्लेषणमा केन्द्रित रहेको छ ।

"...नेपाली टुक्काका अनुसन्धानमा डा. घिमिरे बेजोड मानिन्छन् । यो पुस्तक उनै अनुसन्धाताका अनुसन्धानको फल हो ।... यस ग्रन्थमा नेपाली टुक्कासँग जोडिएर आउने शब्दको व्याकरणात्मक र संरचनात्मक वर्गीकरण विस्तार पूर्वक गरिएको छ ।"

प्रा. डा. माधव प्रसाद पोखरेल (यसै पुस्तकको भूमिकाबाट)