क्वान्टम सिद्धान्त। Kwantam siddhanta

सिलिकन नानो टेक्नोलोजीमा ज्वहारलाल नेहरू विश्वविद्यालय (जे.एन.यु.), भारतबाट विद्यावारिधि हासिल गर्नुभएका प्रा.डा. शोभाकान्त लामिछाने त्रि.वि., पृथ्वीनारायण क्याम्पस, विज्ञान शिक्षा विभागका प्रमुख हुनुहुन्छ । यसका साथै, नेपाल विज्ञान तथा प्रविधि प्रज्ञा प्रतिष्ठानका प्राज्ञसमेत रहनुभएका लामिछाने, विज्ञान तथा प्रविधि मन्त्रालय, बी.पी. कोइराला मेमोरियल प्लानेटेरियम, अब्जरभेटरी तथा विज्ञान संग्रहालय विकास समितिको पूर्व-कार्यकारी निर्देशक पनि हुनुहुन्छ । अतिशुक्ष्म विज्ञान र प्रविधिमा रुचि राख्नुहुने डा. लामिछाने बिभिन्न संस्थाका अनुसन्धान समितिसँग आवद्ध हुनुहुन्छ । बिभिन्न राष्ट्रिय तथा अन्तर्राष्ट्रिय गोष्ठीहरूमा ब्याख्यान दिनुभएका लामिछानेका राष्ट्रिय तथा अन्तर्राष्ट्रिय बिभिन्न व्यावसायिक जर्नलहरुमा दर्जनौ सोध निष्कर्षहरु प्रकाशित भएका छन् । प्रशासनिक तथा प्राज्ञिक अनुभव हासिल गर्नुभएका लामिछाने भिन्न-भिन्न संघ संस्थाहरुबाट प्रदान गरिएका बिभिन्न प्राज्ञिक वैज्ञानिक परियोजनाहरु सम्पन्न गरिसक्नुभएको छ । शिक्षा सन्देश, हिमालयन साइन्टिफिक, हिमालयन फिजिक्स जस्ता जर्नलको प्रधान सम्पादकको जिम्मेवारी सम्हाली सक्नुभएका डा. लामिछाने नेपाल प्राज्ञ मञ्च, नेपाल भौतिक विज्ञान समाज जस्ता पेशागत सामाजिक संस्थाको आजीवन सदस्यसमेत हुनुहुन्छ । लोकपाटी मिडिया प्रा.लि. र मार्क्सवादी ज्ञान केन्द्रका सल्लाहकार लामिछानेका करिब आधा दर्जन पुस्तकहरु प्रकाशित छन् ।