सुवर्ण शमशेर / Suwarna shamasher

....गणतन्त्रको स्थापनापछि नेपालको सामाजिक-सांस्कृतिक परिस्थिति खुला तर चुनौतीपूर्ण बनेको छ । यस परिस्थितिले तत्कालका लागि राजनीतिक क्षेत्रमा नेतृत्व-व्यवस्थापनको व्यापक न्यूनता अनुभव गरिए पनि छोडिएका र आउन बाँकी अनन्त विषयहरू बारेको छलफललाई ढोका उघारेको छ । यस अवस्थामा सुवर्ण शमशेरको सम्झना पनि नयाँ ढङ्गले हुन थालेको छ । युवाहरू पनि सुवर्णजीका बारेमा थप जानकारी लिन उत्सुक हुँदैछन् ।
निष्ठाको राजनीतिक यात्राका पथिक सुवर्ण शमशेरबारे धरावासीद्वारा लेखिएको यो ग्रन्थ मूलतः जीवनी भएपनि यो चलनचल्तीको जीवनी होइन । यसले तत्कालीन राजनीति र विशेषगरी काङ्ग्रेसी राजनीतिका भित्री ग्रन्थिहरूलाई राम्रोसँग केलाएको छ । सुवर्णजीसँग सम्बन्धित ओझेलमा परेका धेरै कुराहरू यसमा पाइनेछन् । तथ्यहरूलाई नबङ्ग्याइकन, कसैप्रति आरोप नलगाइकन शान्त शैलीमा लेखिएको छ, यो पुस्तक । ...
नरहरि आचार्य