नेपालमा जात्रा /Nepalma jatra
-
Writen byTej Prakash Shrestha - PublisherSwadesh Prakashan
हो, हामीहरूमध्ये कतिले आफूहरू आर्थिक अवस्थामा जीवनस्तरमा पिछडिएको पनि अनुभव गर्छौं र भन्ने गर्छौ "हाम्रो देश नै गरिब छ" । तर यो हाम्रो लघुताभाराको सन्दर्भ मात्र हो । वास्तवमा धार्मिक, आध्यात्मिक र सांस्कृतिक फाँटमा हामीले आत्मसात् गरेर आइरहेका हाम्रा जात्राहरूमा निहित सत्यतथ्यको उच्चता हिमचुचुरो झैँ नै उच्च भैरहेको छ ।
सत्यमोहन जोशी
वाङ्मय शताब्दी पुरुष
जात्रा एउटा सुन्दर पहिचान पनि हो देशको । यहाँ आयोजित हुने रङ्गीविरङ्गी जात्राहरूले विश्वको ध्यान खिच्न पनि सक्षम छन् । त्यसैले विश्व सांस्कृतिक पर्यटकहरूका लागि जात्रा आकर्षक बनिरहेकै छ । यस्ता अभौतिक सांस्कृतिक सम्पदा 'जात्रा'हरूलाई जनसमक्ष पहिचान गराउँदै संरक्षण र सम्बर्द्धन गर्न सम्बन्धित सबैलाई घच्घच्याउने पुनीत अभिप्राय राख्दै नेपालका केही जात्राहरूको सामान्य परिचय दिने प्रयास गरेको छ ।
तेजप्रकाश श्रेष्ठ
लेखक
