मोहपथ ।Mohapath

नेपाली समाजमा तकनिकिका अनेकन कथाहरु छन्। असमावेशी समाजमा परम्परागत संस्कारका खुनी हर्कतहरु छन्। आर्थिक दरारले थिलथिलो पारिएका निस्प्रिहताहरु छन। सामाजिक मर्यादामा विभेदका ठुल्ठुला खाडलहरू छन्। मानिसका गरिबी र पछ्यौटेपनमा मानिसकै संवेदना शून्य छ। नयाँ र सुखी जीवन बाँच्न मानिसहरु संघर्ष त् गरिरहेकै छन् तर एक्लाएक्लै। अलगथलग भोगाइ र बुझाइले चेप्टिएर मानिस साँच्चिकै रुग्ण बनिरहेको छ। हो, यहि क्रुर समयमा दिमाग थाङ्गथिलो भएका मानिसहरुको कथा कथ्ने शिल्पी हुन् - ललित विष्ट।
स्वैरकल्पनाजस्तो लाग्ने तर हामीले ठीक यतिबेला बाँचिरहेको यथार्थता नै यस कृतिको विशिष्टता हो। मनोवैज्ञानिक भावभूमिमा जटिलताहरुको पहिचान गर्दै दु:ख निरुपण लेखिएका ललितका कथाहरुले पाठकहरुलाई नयाँ स्वाद दिनेछन। विश्वासका साथ भन्न सकिन्छ, यो नेपाली आख्यानमा दरिलो कृति हो।