हाय राजमती/Hai Rajmati

हाय राजमती सांस्कृतिक निबन्धहरूको सङ्ग्रह हो। नेपाल भाषाका प्रतिभाशाली कवि, निबन्धकार, पत्रकार तथा सांस्कृतिक अध्येता सुरेश किरणका यस कृतिका निबन्धहरूले मूलतः नेवार जातिको सभ्यता, संस्कृति, चालचलनका साथै काठमाडौं, भक्तपुर र ललितपुरसँग सम्बन्धित जात्रापर्वहरूको ऐतिहासिक महत्व र सम्बन्धलाई तथ्यपरक ढङ्गले प्रस्तुत गरेका छन् । यी निबन्धले इन्द्रजात्रा, मत्छेन्द्रनाथ जात्राका साथै जीवित देवीका रूपमा पूजित कुमारी र तिनसँगै पुर्जिदै आएका जीवित देवताहरूको बारेमा तथ्यात्मक दृष्टिकोण प्रस्तुत गर्दछन् । यस पुस्तकले नेवारी भाषाको लोकप्रिय गीत राजमतीको ऐतिहासिक महत्त्वका साथै इन्द्रचोक, असन र काष्ठमण्डपबारे अनेक तथ्यहरूलाई उजागर गरेको छ । मनाङ, लाहोर, कुमाउँ जस्ता स्थान र भाषाबारेको लेखकीय दृष्टिकोण र काव्यात्मक भाषा प्रस्तुत निबन्धसङ्ग्रहका विशेष पक्ष हुन् ।