देहेडू /Dehedu

देहेडू केवल एक पुस्तक होइन, यो नेपाली माटोको सुगन्ध बोकेको एउटा जीवन्त सांस्कृतिक पुस्तकालय हो । कालीकोटको बाँझकोटस्थित कुमाल समुदायको जीवन पद्दति, आस्था र परम्परालाई यसले अत्यन्तै कलात्मक ढंगले शब्दको क्यानभासमा उतारेको छ । यो पुस्तकले मानिसको भौतिक अस्तित्व र आध्यात्मिक शक्ति बीचको रहस्यमय धागोलाई बिम्बात्मक रूपमा बुनेको छ । यसमा वर्णित अलौकिक देहेडू जात्रा, जहाँ साधकहरू फलामको लौरोलाई सुन्ठी झै पिटिक्क भाँच्छन्- त्यो केवल चमत्कार मात्र होइन, बरु पुस्तान्तरण हुँदै आएको एक दुर्लभ प्राचीन ज्ञानको संग्रह हो ।

ध्यान, साधना र अटल विश्वासको संगमबाट जन्मिने यो डिभाइन पावर (दैवी शक्ति) ले मानिसलाई भौतिक सीमाबाट मुक्तिको गहिराइमा डोऱ्याउँछ । देहेडूले आधुनिकताको चपेटामा हराउँदै गएको परम्परागत ज्ञानमार्फत नेपाललाई वैश्विक मञ्चमा चिनाउने एक पुलको काम गरेको छ । यो केवल एक समुदायको कथा मात्र होइन, अपितु नेपालको अमूल्य सांस्कृतिक विरासतको त्यस्तो दस्तावेज हो, जसले ध्यान र दृष्टिको गहिराइबाट विश्वलाई नै चकित पार्ने सामर्थ्य राख्छ । यसैले कृति नेपाली सभ्यताको त्यो सुदूर र रहस्यमय क्षितिज हो, जसले आजको पुस्तालाई आफ्नो जरोसँग जोड्दै सांस्कृतिक गौरवको अनुभूति गराउँछ ।